Resumo
O INCIPIT-CSIC pon en marcha “Mulleres Raíz”: un proxecto de ciencia cidadá con mulleres de idade avanzada e/ou con deterioro cognitivo para a recuperación do patrimonio musical asociado aos oficios no entorno rural.O Instituto de Ciencias do Patrimonio, a través da súa Unidade de Valorización, presenta no Morrazo “Mulleres Raíz”, un proxecto de ciencia cidadá que involucra mulleres do medio rural —especialmente de idade avanzada e/ou con deterioro cognitivo— na recuperación e posta en valor do patrimonio cultural e musical vinculado aos oficios tradicionais. A iniciativa está financiada pola FECYT – Fundación Española para a Ciencia e a Tecnoloxía, Ministerio de Ciencia, Innovación e Universidades.O proxecto desenvolverase nos centros de AFAMO (Asociación de Familiares de Persoas con Alzheimer do Morrazo) e conta coa colaboración da Fundación Legar, especializada na preservación da música de raíz. A través de encontros, obradoiros e actividades interxeracionais en centros educativos, “Mulleres Raíz” busca dar visibilidade aos saberes femininos do rural, tradicionalmente infravalorados, e recuperar as músicas que acompañaban a vida cotiá: cantos, ritmos e instrumentos elaborados con materiais naturais ou ferramentas propias dos oficios.
Palabras chave
Mulleres Raíz. Ciencia cidadá. Deterioro cognitivo. Patrimonio musical. Oficios. Entorno rural. Unidade de Valorización. Morrazo. Patrimonio cultural. FECYT. AFAMO. Fundación Legar. Música de raíz.