Resumo
O Concello de Caldas de Reis solicitou ao Instituto de Ciencias do Patrimonio (INCIPIT CSIC) a realización dos traballos técnicos e de investigación previos e necesarios para a futura posta en valor do petróglifo de Laxe dos Bolos, situado na parroquia de Santo Estevo de Saiar, no concello citado. A actuación solicitada consiste nun traballo arqueolóxico que implica a obtención dun rexistro 3D preciso da superficie gravada con técnica fotogramétrica, a realización dunha lectura, interpretación e análise de tipoloxías, estilos, cronoloxías, paralelos e singularidades destes gravados, e a prospección superficial da contorna do petróglifo e daquelas áreas máis susceptibles de albergar outras entidades de semellante tipoloxía ou bens patrimoniais relacionados e non documentados ata o de agora.
Palabras chave
Arte Rupestre. Arqueoloxía da Paisaxe.
Subliñas de investigación
Arqueoloxía da Paisaxe e Paisaxes Culturais